அதிமுக கூட்டணியில் இம்முறை தங்களுக்கு 40 தொகுதிகளை கேட்க வேண்டும் என மனக்கணக்குப் போட்டுக் கொண்டிருக்கும் பாஜக, குறைந்தபட்சம் ஒரு மாவட்டத்துக்கு ஒரு தொகுதியையாவது கேட்டுப்பெற வேண்டும் என்ற திட்டத்திலும் இருப்பதாகச் சொல்கிறார்கள். இதில் தங்களுக்கு கூடுதல் செல்வாக்குள்ள கோவை மாவட்டத்தில் இம்முறை கூடுதலாக ஒரு தொகுதியை கேட்கவிருப்பதாக பாஜக-வினர் பேச ஆரம்பித்திருப்பது கோவை அதிமுக-வினர் வயிற்றில் புளியைக் கரைத்துக் கொண்டிருக்கிறது.
கோவை மாவட்டத்தில் உள்ள 10 தொகுதிகளில் கோவை தெற்கை பாஜக-வும் மற்ற 9 தொகுதிகளை அதிமுக-வும் கடந்தமுறை கைப்பற்றின. அதேபோல் மக்களவைத் தேர்தலில் அதிமுக துணையின்றி போட்டியிட்ட பாஜக-வின் அண்ணாமலை, சுமார் நாலரை லட்சம் வாக்குகளைப் பெற்று அதிமுக-வை மூன்றாமிடத்துக்கு தள்ளினார்.
