சின்னத்திரையிலிருந்து வெள்ளித்திரைக்கு வந்து வெற்றிகரமாக வளர்ந்து வருபவர் நடிகர் கவின். தன் இயல்பான நடிப்பாலும், திரைக்கதை தேர்வாலும் ரசிகர்களிடம் நல்ல வரவேற்பைப் பெற்றிருக்கிறார்.
`லிஃப்ட்’ படத்தில் தொடங்கி `டாடா’ வரை அவரின் திரைப்பயணம் ரசிகர்களால் கொண்டாடப்படுகிறது. இவரது ‘ஸ்டார்’ திரைப்படம் கலவையான விமர்சனங்களைப் பெற்றிருந்தது, நடிகராக கவினுக்கு ஒரு மைல் கல்லை தந்தது.
நடிகர் கவின் : “கிஸ் டைட்டில் பார்த்ததும் ஒருமாதிரி இருக்கும்; ஆனால்”
இந்நிலையில், கவினின் ஆறாவது படமாக உருவாகியிருக்கும் ‘கிஸ்’ திரையரங்குகளில் வெளியாகியிருக்கிறது. டான்ஸ் மாஸ்டர் சதீஷின் இயக்கத்தில் உருவாகியிருக்கும் இந்தப் படத்தில், அயோத்தி புகழ் ப்ரீத்தி, விஜே விஜய், விடிவி கணேஷ் உள்ளிட்டோர் நடித்திருக்கின்றனர். விஜய் சேதுபதி வாய்ஸ் ஓவர் கொடுத்திருக்கார்.
‘கிஸ்’ படத்தின் வெளியீட்டையொட்டி சென்னை கமலா தியேட்டரில் படம் பார்த்த கவின், “என்னோட படங்கள் எல்லாமே கொஞ்சம் கொஞ்சமாகத்தான் ரசிகர்களோட கவனத்த ஈர்த்து வரவேற்பைப் பெற்றிருக்கு. அதுபோல இந்தப் படமும் மெல்ல மெல்ல அதிக தியேட்டரில் வெளியாகி வருகிறது. படம் பார்த்தவர்களின் வாய்மொழி பாராட்டால் படம் கவனம் ஈர்த்த்து வருகிறது.
படம் பார்த்தவர்கள் எல்லோருக்கும் படம் பிடித்திருக்கிறது. என்னுடைய முந்தைய படங்களுக்கு எப்படி ஆதரவையும், வரவேற்பையும் கொடுத்தீங்களோ, அதை இந்தப் படத்துக்கும் கொடுங்கள் என கேட்டுக்கிறேன்.” என்றார்.
2வது நாளிலே வெற்றினு கேக் வெட்ட வேண்டாம்னு சொன்னேன்
இதையடுத்து படம் வெற்றி என்று கேக் வெட்டிக் கொண்டாடிய கவினிடம், ‘2வது நாளிலேயே கேட் வெட்டிக் கொண்டாட்டமா?’ என்று பத்திரிகையாளர் கேட்ட கேள்விக்குப் பதிலளித்த கவின், ” இதெல்லாம் வேண்டாம்னு எவ்வளவோ சொன்னேன். ‘படம் வெளியாகி 2வது நாளிலேயே படம் வெற்றினு கேக் வெட்டிக் கொண்டாட்டமானு’ கேட்பாங்க, ட்ரோல் பண்ணுவாங்கனு முன்கூட்டியே சொன்னேன். ஆனால், இந்த கமாலா தியேட்டர் நண்பர் கேட்கல. இதையெல்லாம் தவிர்த்திருக்கலாம்” என்று கலகலப்பாக பதிலளித்திருந்தார் கவின்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs
