தமிழக வாக்காளர்களில் 6-ல் ஒருவர் இளைஞர் என்கிறது ஒரு புள்ளி விவரம். இவர்களை, குறிப்பாக ஜென் ஸீ இளைஞர்களை தவெக தன் பக்கம் வளைக்க விஜய் முயற்சிக்கிறார் என்று நிலவும் கருத்துகளையொட்டிய பார்வை இது.
கடந்த 13-ம் தேதி திருச்சி, அரியலூர், நேற்று (செப்.20) நாகப்பட்டினம், திருச்சி. இரண்டு வாரங்களில் 4 மாவட்டங்களில் பிரச்சாரம் செய்திருக்கிறார் தவெக தலைவர் விஜய். விஜய் அரசியலுக்கு வந்ததுமே அவர் கொள்கையைச் சொல்லட்டும் என்ற குரல் எழுந்தது. அதற்கு தமது தரப்பு பதிலாக ‘திமுக தான் எங்கள் அரசியல் எதிரி, பாஜக தான் எங்கள் கொள்கை எதிரி’ என இரண்டு மாநாட்டு மேடைகளில் சிம்பிளாக முழங்கினார் விஜய்.
