புதுடெல்லி: பிஹார் மாநில சட்டப்பேரவைத் தேர்தலில் ஆளும் ஐக்கிய ஜனதா தள கட்சியும் பாஜக.வும் சரிபாதி தொகுதியில் போட்டியிடும் என்று எதிர்பார்க்கப்படுகிறது.
பிஹார் மாநில சட்டப்பேரவையில் 243 உறுப்பினர்கள் உள்ளனர். தற்போது பதவிக் காலம் முடிவதால், சட்டப்பேரவைத் தேர்தல் நடைபெற உள்ளது. அக்டோபர் மாதம் முதல் வாரத்தில் பிஹார் சட்டப்பேரவைத் தேர்தல் தேதிகளை தலைமை தேர்தல் ஆணையம் அதிகாரப்பூர்வமாக வெளியிடும் என்று தெரிகிறது. இந்நிலையில், பிஹாரில் ஆளும் ஐக்கிய ஜனதா தளம் (ஐஜத) – பாஜக கூட்டணி தலைவர்கள், தேர்தல் தொகுதி பங்கீடு குறித்து பேச்சுவார்த்தை நடத்தி வருகின்றனர்.
