புதுடெல்லி: ஜிஎஸ்டி சலுகைகளை பாலிசிதாரர்களுக்கு வழங்க வேண்டும் என்று காப்பீட்டு நிறுவனங்களுக்கு மத்திய அரசு அறிவுறுத்தியுள்ளது. பொதுத்துறை காப்பீட்டு நிறுவனங்களின் தலைவர்கள், தனியார் துறை ஆயுள் மற்றும் ஆயுள் அல்லாத காப்பீட்டு நிறுவனங்களின் தலைமை செயல் அதிகாரிகள், நிதி சேவைகள் துறை, காப்பீடு ஒழுங்குமுறை மேம்பாட்டு ஆணைய உயரதிகாரிகள், ஆயுள் காப்பீடு கவுன்சில் மற்றும் பொது காப்பீடு கவுன்சிலின் அதிகாரிகள் கூட்டம் டெல்லியில் நேற்று நடைபெற்றது.
ஜிஎஸ்டி கவுன்சிலின் 56-வது கூட்டத்தில் ஒப்புதல் அளித்தபடி அனைத்து தனிநர் ஆயுள் மற்றும் மருத்துவக் காப்பீட்டு பாலிசிகளுக்கு ஜிஎஸ்டி விலக்கு அளிக்கப்பட்டுள்ள நிலையில் இக்கூட்டம் நடைபெற்றது. இக்கூட்டத்துக்கு நிதி சேவைகள் துறை செயலாளர் என்.நாகராஜு தலைமை வகித்துப் பேசுகையில், “மத்திய அரசின் ஜிஎஸ்டி சீர்திருத்தமானது காப்பீட்டை மிகவும் அணுகக்கூடியதாகவும் செலவு குறைந்ததாகவும் மாற்றியுள்ளது.
