சென்னை: சுதந்திர போராட்ட வீரர் எம்.எஸ். ராமசாமி படையாட்சியின் 108-வது பிறந்த தினத்தையொட்டி அவரது படத்துக்கு தமிழக முதல்வர் மு.க.ஸ்டாலின், அமைச்சர்கள் மற்றும் அரசியல் கட்சி தலைவர்கள் மரியாதை செலுத்தினர்.
சுதந்திர போராட்ட வீரரரும், முன்னாள் அமைச்சருமான ராமசாமி படையாட்சியின் 108-வது பிறந்த தினம் நேற்று கொண்டாடப்பட்டது. இதையொட்டி, தமிழக அரசின் சார்பில் கிண்டி ஹால்டா சந்திப்பில் உள்ள ராமசாமி படையாட்சியின் சிலைக்கு கீழ் மலர்களால் அலங்கரித்து வைக்கப்பட்டிருந்த அவரது படத்துக்கு முதல்வர்.ஸ்டாலின் மலர் தூவி மரியாதை செலுத்தினார்.
