புதுடெல்லி: டெல்லியிலிருந்து மீரட்டுக்கு 84 கி.மீ தூரத்துக்கு ரூ.30,274 கோடி செலவில் ரயில் பாதை அமைக்கப்பட்டு வருகிறது. இதில் 55 கி.மீ தூரத்துக்கு விரைவு ரயில் பாதை அமைக்கப்பட்டுள்ளது. இதில் நமோ பாரத் ரயில் 160 கி.மீ வேகத்தில் இயக்கப்பட்டது.
கிழக்கு டெல்லியில் நியூ அசோக் நகரிலிருந்து உத்தர பிரதேசத்தில் தெற்கு மீரட் இடையே 15 நிமிட இடைவெளியில் 30 நமோ பாரத் ரயில்கள் இயக்கப்படுகின்றன. ஒவ்வொன்றிலும் 6 பெட்டிகள் உள்ளன. இந்த வழித்தடத்தில் 11 ரயில் நிலையங்கள் வழியாக செல்லும்போது மட்டும் சில விநாடிகளுக்கு நமோ பாரத் ரயில் 160 கி.மீ வேகத்தை எட்டும்.
