நீலகிரி மாவட்டம் குன்னூர், அட்டடி பகுதியைச் சேர்ந்தவர் குருமூர்த்தி. அ.தி.மு.க -வைச் சேர்ந்த இவர் தற்போது குன்னூர் நகர மன்றத்தின் உறுப்பினராகப் பதவி வகித்து வருகிறார்.
கோத்தகிரியில் உள்ள தனியார் பள்ளியில் 12 -ம் வகுப்பு படித்து வந்த இவரின் இளைய மகன் ராஜேஷ் கண்ணா, கடந்த 31 -ம் தேதியன்று வீட்டில் யாரும் இல்லாத நேரத்தில் உடலில் தீ வைத்து தற்கொலை முயற்சியில் ஈடுபட்டுள்ளார்.
கடுமையான தீக்காயங்களுடன் மீட்கப்பட்ட மாணவனை கோவையில் உள்ள மருத்துவமனையில் வைத்து சிகிச்சை அளித்து வந்துள்ளனர்.
ஆனால், சிகிச்சை பலனின்றி நேற்று காலை அந்த மாணவர் பரிதாபமாக உயிரிழந்துள்ளார்.
உடற்பயிற்சிக் கூடத்தில் வழங்கப்பட்ட புரோட்டின் பவுடர் ஏற்படுத்திய ஒவ்வாமையின் காரணமாகவே அவர் தற்கொலை செய்து கொண்டதாக உறவினர்கள் குற்றம்சாட்டி வருகின்றனர்.
இது குறித்து தெரிவித்த மாணவனின் உறவினர்கள், “தற்கொலை செய்து கொண்ட ராஜேஷ் கண்ணா 2023 – ஆம் ஆண்டில் இருந்து குன்னூர் மவுன்ட் ரோட்டில் உள்ள ஜிம் ஒன்றில் உடற்பயிற்சியில் ஈடுபட்டு வந்தார்.
ஜிம்மில் வழங்கப்பட்ட புரோட்டின் பவுடரை உட்கொண்டு வந்த காரணத்தால் சருமத்தில் கடுமையான ஒவ்வாமை ஏற்பட்டுள்ளது. முகம் மற்றும் உடலில் ஏற்பட்ட பாதிப்புகளால் சகஜமாக நடமாட முடியாமல் தவித்து வந்தார்.
இதனால், மன உளைச்சலுக்கு ஆளாகி தவறான முடிவை எடுத்திருக்கிறார். உரிய விசாரணை நடத்தி ஜிம் உரிமையாளர் மீது சட்டப்படி நடவடிக்கை எடுக்க வேண்டும் என காவல்துறையில் புகார் அளிக்கப்பட்டுள்ளது” என்றனர்.
இது குறித்து தெரிவித்துள்ள காவல்துறையினர்,
“தற்கொலை வழக்காக பதிவு செய்து விசாரணை நடத்தி வருகிறோம். உடற்பயிற்சி கூடத்தில் வழங்கப்பட்டிருந்த புரோட்டின் பவுடரை எந்த அளவில் எடுக்க வேண்டும், எத்தகைய பாதிப்புகளை ஏற்படுத்தும் என்பது குறித்தும் மருத்துவ நிபுணர்களிடம் கேட்டறிந்து வருகிறோம்.
உடற்கூறாய்வு முடிவுகளின் அடிப்படையிலேயே அடுத்தக்கட்ட நடவடிக்கை எடுக்கப்படும்” என்றனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs
