நாகப்பட்டினம்: அதிமுக பொதுச் செயலாளர் பழனிசாமிக்கு எதிராக முன்னாள் அமைச்சர் செங்கோட்டையன் கருத்து வெளியிட்டுள்ளதன் பின்னணியில் பாஜக உள்ளது என மமக தலைவர் ஜவாஹிருல்லா எம்எல்ஏ, மஜக பொதுச் செயலாளர் தமிமுன் அன்சாரி, விடுதலை சிறுத்தைகள் கட்சி பொதுச் செயலாளர் ஆளூர் ஷாநவாஸ் எம்எல்ஏ ஆகியோர் கருத்து தெரிவித்துள்ளனர்.
நாகையில் நேற்று நடைபெற்ற பள்ளிவாசல் திறப்பு விழாவில் கலந்துகொண்ட அவர்கள், பின்னர் செய்தியாளர்களை தனித்தனியாக சந்தித்தனர். இதில், ஜவாஹிருல்லா கூறியது: பாஜகவின் விசுவாசியாக இருப்பதில் அதிமுக பொதுச் செயலாளர் பழனிசாமி- செங்கோட்டையன் ஆகியோர் இடையே நடக்கும் போட்டிதான் இது.
