சென்னை: டிஎன்பிஎஸ்சி தேர்வுக்கு கேள்வி தயார் செய்வதில் கவனக்குறைவுடன் செயல்படுவதாக தமிழக அரசுக்கு பாஜக முன்னாள் மாநில தலைவர் அண்ணாமலை கண்டனம் தெரிவித்துள்ளார்.
இதுகுறித்து அவர் வெளியிட்டுள்ள அறிக்கை: இளநிலை உதவி வரைவாளர் பணிக்கான டிஎன்பிஎஸ்சி தேர்வில், அய்யா வைகுண்டர் குறித்த கேள்வியின் ஆங்கில மொழிபெயர்ப்பில், முடிசூடும் பெருமாள் என்ற அய்யா வைகுண்டரின் பெயர், ‘தி காட் ஆஃப் ஹேர்கட்டிங்’ (The God of Hair Cutting) என்று மொழிபெயர்க்கப்பட்டுள்ளது. கவனக்குறைவாகவும், பொறுப்பின்றியும் மொழிபெயர்த்தது கடும் கண்டனத்துக்குரியது.
