“லலித் மோடி, மைக்கேல் க்ளார்க் இருவரையும் பார்க்க அருவருப்பா இருக்கு'' – ஸ்ரீசாந்த் மனைவி காட்டம்

August 30, 2025
NewsEditor
General
0

கடந்த 2008-ம் ஆண்டு ஐபிஎல் சீசனில் மும்பை இந்தியன்ஸ் மற்றும் கிங்ஸ் லெவன் பஞ்சாப் அணிகளுக்கு இடையிலான ஆட்டத்துக்கு பிறகு மும்பை வீரர் ஹர்பஜன் சிங், பஞ்சாப் வீரர் ஸ்ரீசாந்தை கன்னத்தில் அறைந்திருந்தார்.

அந்த சம்பவம் அப்போது சர்ச்சையைக் கிளப்பி இருந்தது. தற்போது அந்த வீடியோ காட்சியை மைக்கேல் கிளார்க் உடனான யூடியூப் உரையாடலில் பகிர்ந்திருக்கிறார் ஐபிஎல் முன்னாள் தலைவர் லலித் மோடி.

ஹர்பஜன் சிங், ஸ்ரீசாந்த்

அந்த சம்பவம் அப்போது சர்ச்சையை கிளப்பியிருந்தது. தற்போது அந்த வீடியோ காட்சியை மைக்கேல் க்ளார்க் உடனான யூடியூப் உரையாடலில் பகிர்ந்திருக்கிறார் ஐபிஎல் முன்னாள் தலைவர் லலித் மோடி.

இந்நிலையில் லலித் மோடி, மைக்கேல் க்ளார்க் இருவரையும் ஸ்ரீசாந்தின் மனைவி புவனேஷ்வரி கடுமையாகப் பேசியிருக்கிறார்.

“லலித் மோடி, மைக்கேல் க்ளார்க், உங்கள் இருவரையும் பார்க்க வெட்கமாக இருக்கிறது. மக்களின் கவனத்தை ஈர்ப்பதற்காக 2008-ல் நடந்த ஒரு சம்பவத்தை நீங்கள் இழுப்பதை பார்க்கும்போது மனிதாபிமானமற்றவர்களாகத் தெரிகிறீர்கள்.

அந்த சம்பவத்தில் இருந்து ஹர்பஜனும், ஸ்ரீசாந்தும் மீண்டு வந்துவிட்டனர். ஆனாலும் அந்த பழைய காயத்தை நீங்கள் மீண்டும் கிளறுகிறீர்கள். இது அருவருப்பாக உள்ளது” எனக் கடுமையாகப் பேசியிருக்கிறார்.