புதுடெல்லி: உ.பி.யின் புனிதத் தலமான வாராணசியில் காசி தமிழ்ச் சங்கம் என்ற ஓர் அமைப்பை இங்குஉள்ள தமிழர்கள் தொடங்கி உள்ளனர். அனுமர் காட் பகுதியில் உள்ள காஞ்சி சங்கர மடத்தின் கிளையான காஞ்சி காமகோடி பீடத்தில் கடந்த புதன்கிழமை (ஆக. 27) தொடக்க விழா நடைபெற்றது. இவ்விழாவுடன் விநாயகர் சதுர்த்தியும் கொண்டாடப்பட்டது.
இங்கு உயரதிகாரிகளாக இருக்கும் தமிழர்களான வாராணசி மண்டல ஆணையர் எஸ்.ராஜலிங்கம், கூடுதல் காவல் இணை ஆணையர் டி.சரவணன், வருமான வரி விசாரணைப் பிரிவு துணை இயக்குநர் ஆர்.ஐஸ்வர்யா ஆகியோர் குத்துவிளக்கு ஏற்றி தமிழ்ச் சங்கத்தை தொடங்கி வைத்தனர்.
