தேன்கனிக்கோட்டை பகுதியைச் சுற்றியுள்ள மலைக் கிராமங்கள் மற்றும் கிராமங்களில் வசிக்கும் மக்களின் அறியாமை மற்றும் போதிய மருத்துவக் கட்டமைப்பு வசதியின்மையைப் பயன்படுத்தி போலி மருத்துவர்கள் எண்ணிக்கை அதிகரித்து வருவதாகக் குற்றச்சாட்டு எழுந்துள்ளது.
தேன்கனிக்கோட்டை, தளி, அஞ்செட்டி, கெலமங்கலம் உள்ளிட்ட பகுதிகளையொட்டி 500-க்கும் மேற்பட்ட மலைக் கிராங்கள் மற்றும் கிராமங்கள் உள்ளன. இக்கிராம மக்கள் பொருளாதாரம், கல்வியில் மிகவும் பின்தங்கியுள்ளனர். இக்கிராமங்களில் சாலை உள்ளிட்ட அடிப்படை வசதிகள் இன்று வரை கேள்விக்குறியாக இருந்து வருகிறது. இதனால், இப்பகுதி மக்கள் கல்வி மற்றும் மருத்துவச் சிகிச்சைக்கு நகரப்பகுதியை நாடி வரும் நிலையுள்ளது.
