புதுடெல்லி: முன்னாள் பிரதமரும் பாஜகவை நிறுவிய தலைவர்களில் ஒருவருமான அடல் பிஹாரி வாஜ்பாய் கடந்த 2018-ம் ஆண்டு ஆகஸ்ட் 16-ம் தேதி உடல்நலக்குறைவால் காலமானார். அவரது நினைவு தினம் நேற்று அனுசரிக்கப்பட்டது.
இதையொட்டி டெல்லியில் உள்ள அவரது நினைவிடமான சதைவ் அடலில் குடியரசுத் தலைவர் திரவுபதி முர்மு, பிரதமர் மோடி, மக்களவை சபாநாயகர் ஓம் பிர்லா, மாநிலங்களவை துணைத் தலைவர் ஹரிவன்ஷ்,மத்திய அமைச்சர்கள் ராஜ்நாத் சிங், ஜே.பி.நட்டா உள்ளிட்ட தலைவர்கள் மலர்களை தூவி மரியாதை செலுத்தினர்.
