திருப்பதி: ஆகஸ்ட் 1-ம் தேதி முதல் ஆன்லைனில் ஸ்ரீநிவாச திவ்ய அனுக்ரஹ ஹோமம் டிக்கெட்கள் வழங்கப்படும் என திருமலை திருப்பதி தேவஸ்தானம் அறிவித்துள்ளது. திருப்பதி அலிபிரி நடைபாதை தொடக்கத்தில் கோசாலை அருகே பெருமாள் கோயில் உள்ளது.
இங்கு தினமும் ஸ்ரீநிவாச திவ்ய அனுக்ரஹ ஹோமம் நடைபெறுகிறது. இதற்காக 150 ஆன்லைன் டிக்கெட்களும், நேரில் 50 டிக்கெட்களும் பக்தர்களுக்கு வழங்கப்பட்டு வந்தன. இந்நிலையில் வரும் ஆகஸ்ட் 1-ம் தேதி முதல் ஆன்லைனிலேயே தினமும் 200 ஹோமம் டிக்கெட்டுகள் வழங்கப்படும் என திருப்பதி தேவஸ்தானம் அறிவித்துள்ளது.
