சென்னை: தமிழகத்தில் 2026 சட்டப்பேரவை தேர்தலில் ஆட்சி மாற்றத்துக்கு அடித்தளமாக, திமுகவை எதிர்க்கும் அனைத்து கட்சிகளும் ஒருமித்த கருத்தோடு ஒன்றிணைய வேண்டும். அந்த கட்சிகளை ஒன்று சேர்க்க தமாகா பணியாற்றும் என்று கட்சி தலைவர் ஜி.கே.வாசன் தெரிவித்துள்ளார்.
தமாகா சார்பில், காமராஜர் 123-வது பிறந்தநாள் விழா பொதுக்கூட்டம் சென்னை புரசைவாக்கத்தில் நேற்று முன்தினம் நடைபெற்றது. கட்சி தலைவர் ஜி.கே.வாசன் தலைமை வகித்தார். காமராஜர் மக்கள் கட்சி நிறுவன தலைவர் தமிழருவி மணியன் முன்னிலை வகித்தார்.
