சென்னை: தமிழகத்தில் வரும் 2026 சட்டப்பேரவை தேர்தலையொட்டி தேமுதிக சார்பில் முதற்கட்ட சுற்றுப்பயணத்தை கட்சியின் பொதுச்செயலாளர் பிரேமலதா ஆக.3-ம் தேதி முதல் மேற்கொள்ள இருக்கிறார்.
அதன்படி திருவள்ளூர் மாவட்டம், கும்மிடிப்பூண்டி தொகுதியில் தனது சுற்றுப்பயணத்தை தொடங்கும் அவர், தொடர்ந்து ஆவடி (ஆக.4), காஞ்சிபுரம் மற்றும் ராணிப்பேட்டை (ஆக.5), வேலூர் (ஆக.6), திருப்பத்தூர் (ஆக.7), ஓசூர் மற்றும் கிருஷ்ணகிரி (ஆக.8), தருமபுரி (ஆக.9), சேலம் (ஆக.11), கள்ளக்குறிச்சி (ஆக.13), நாமக்கல் (ஆக.14), கரூர் (ஆக.16), பெரம்பலூர் (ஆக.17), அரியலூர் (ஆக.18), மயிலாடுதுறை (ஆக.19), கடலூர் (ஆக.20), விழுப்புரம் (ஆக.22) ஆகிய பகுதிகளில் சுற்றுப்பயணம் செய்து ஆக.23-ம் தேதி செங்கல்பட்டு மாவட்டத்தில் முதல்கட்ட சுற்றுப்பயணத்தை நிறைவு செய்கிறார்.
