சிவகார்த்திகேயன் நடிக்கவுள்ள படங்களின் வரிசையில் மாற்றம் ஏற்பட்டுள்ளதாக தெரிகிறது.
சிவகார்த்திகேயன் நடிப்பில் ‘மதராஸி’ மற்றும் ‘பராசக்தி’ ஆகிய படங்கள் உருவாகி வருகின்றன. இதில் ‘மதராஸி’ படத்தின் இறுதிகட்டப் படப்பிடிப்பு மும்முரமாக நடைபெற்று வருகின்றன. இதனைத் தொடர்ந்து பேஷன் ஸ்டூடியோஸ் தயாரிப்பில் உருவாகும் படத்தில் நடிக்க தேதிகள் ஒதுக்கியிருந்தார். இதனை ‘குட் நைட்’ இயக்குநர் விநாயக் சந்திரசேகரன் இயக்குவதாக இருந்தது. தற்போது இதில் மாற்றம் இருக்கும் என தெரிகிறது.
