சூப்பர் ஹீரோ காமிக்ஸ் கலாச்சாரம் அமெரிக்காவில் பெரும் பிரபலமாக தொடங்கிய காலம் முதல் இன்று வரை உலகமெங்கும் ரசிகர்கள் மனதில் தனி இடம்பிடித்திருக்கும் ஒரு கதாபாத்திரம் என்றால் அது ‘சூப்பர்மேன்’ தான். இன்று பிரபலமாக இருக்கும் பல சூப்பர்ஹீரோக்களுக்கு முன்னோடியான இந்த கதாபாத்திரத்தை வைத்து 1978 முதல் பல திரைப்படங்கள் வந்துவிட்டன. க்ரிஸ்டோபர் ரீவ் தொடங்கி ஹென்றி கவில் வரை சூப்பர்மேனாக நடித்து புகழ் பெற்றவர்கள் பலர்.
அந்த வரிசையில் தற்போது புதிய சூப்பர்மேனாக களமிறங்கியுள்ள டேவிட் காரன்ஸ்வெட், மார்வெல் படங்களிலிருந்து விலகி டிசி நிறுவனத்தில் இணைந்திருக்கும் இயக்குநர் ஜேம்ஸ் கன் கூட்டணியில் வெளியாகியிருக்கும் படம்தான் ‘சூப்பர்மேன்’.
