சென்னை: அமித் ஷா குறித்து அவதூறாக பேசிய திமுக எம்.பி. ஆ.ராசாவை கண்டித்து சென்னையில் நாளை பாஜக ஆர்ப்பாட்டம் அறிவித்துள்ளது.
இதுகுறித்து பாஜக மாநில தலைவர் நயினார் நாகேந்திரன் வெளியிட்டுள்ள அறிக்கையில் கூறியிருப்பதாவது: ரூ.1,76,000 கோடி ஊழல் வழக்கில் சிக்கி திகார் ஜெயிலில் இருந்த திமுக எம்பி ஆ.ராசா, அரசியல் நாகரீகம் அற்ற முறையில் மத்திய உள்துறை அமைச்சர் அமித் ஷா குறித்து சமீபத்தில் பேசியிருப்பது மிகவும் கண்டிக்கத்தக்கது. இப்போதும் இவருக்கு எதிராக டெல்லி உயர் நீதிமன்றத்தில் 2ஜி வழக்கு தொடர்ந்து நடைபெற்று வருகிறது என்பதையும் மக்கள் அறிவார்கள்.
