பெங்களூரு: கர்நாடகாவில் மலே மகாதேஸ்வரா வனவிலங்கு சரணாலயத்தில் ஒரு புலி மற்றும் அதன் நான்கு குட்டிகள் விஷம் வைத்து கொல்லப்பட்ட குற்றச்சாட்டில் மூன்று பேர் கைது செய்யப்பட்டனர்.
ஹூக்யம் மலைத் தொடரின் கஜனூர் பகுதியில் உள்ள மீனியன் அருகே சமீபத்தில் உயிரிழந்த நிலையில் கிடந்த பசுவுடன், ஒரு பெண் புலி மற்றும் அதன் 4 குட்டிகளின் சடலங்கள் கண்டெடுக்கப்பட்டன. பிரேதப் பரிசோதனையில், புலி மற்றும் குட்டிகள் உட்கொண்ட பசுவின் உடலில் பூச்சிக்கொல்லி மருந்து தடவப்பட்டிருந்தது தெரியவந்தது.
