பாட்னா: முதியோர் பென்ஷன் தொகையை ரூ.400-லிருந்து, ரூ.1,100- ஆக உயர்த்தி முதல்வர் நிதிஷ்குமார் அறிவித்தது பற்றி ஆர்ஜேடி தலைவர் தேஜஸ்வி யாதவ் குற்றம் சாட்டியுள்ளார்.
பிஹார் தேர்தலில் பாஜக-ஐக்கிய ஜனதா தளக் கூட்டணிக்கும், ஆர்ஜேடி, காங்கிரஸ் கட்சிகள் அடங்கிய கூட்டணிக்கும் இடையே கடும் போட்டி உள்ளது. இந்நிலையில் தேஜஸ்வி யாதவ் நேற்று செய்தியாளர்களிடம் பேசியதாவது: பிஹார் முதல்வர் நிதிஷ் குமார், தற்போது சுயநினைவின்றி உள்ளார். செயல்படாத முதல்வராக இருக்கிறார். அவரால் அவரது கட்சி வேட்பாளர்களைக் கூட தேர்வு செய்ய முடியாத நிலையில் உள்ளார். அவருக்கு பதிலாக ஐக்கிய ஜனதா தள கட்சி வேட்பாளர்களைக் கூட மத்திய உள்துறை அமைச்சர் அமித் ஷா தான் தேர்வு செய்யப் போகிறார்.
