விஜய் சேதுபதி – பூரி ஜெகன்நாத் படம்: விரைவில் சென்னை ஷூட்டிங்; படத்தில் இணைந்த கன்னட பிரபலம் யார்?

June 17, 2025
NewsEditor
Cinema
0

விஜய் சேதுபதி நடிப்பில் கடந்த மாதம் ‘ஏஸ்’ திரைப்படம் வெளியாகியிருந்தது.

இத்திரைப்படத்தைத் தொடர்ந்து, இயக்குநர் பாண்டிராஜ் இயக்கத்தில் அவர் நடித்திருக்கும் ‘தலைவன் தலைவி’ திரைப்படம் ஜூலை மாத ரிலீஸுக்குத் தயாராகி வருகிறது.

இதைத் தாண்டி, மிஷ்கின் இயக்கத்தில் அவர் நடித்திருக்கும் ‘டிரெயின்’ படத்தின் பணிகளும் ஒரு புறம் நடைபெற்று வருகின்றன.

Samyuktha in Puri Jaganandh – Vijay Sethupathi Film

மேலும், பூரி ஜெகன்நாத் இயக்கத்தில் விஜய் சேதுபதி நடிக்கவிருக்கும் திரைப்படம் தொடர்பான அறிவிப்பு சில நாட்களுக்கு முன்பு வெளியாகியிருந்தது.

பூரி ஜெகன்நாத் இயக்கத்தில் வெளியான கடைசி இரண்டு திரைப்படங்களும் பெரிதளவில் மக்களிடையே வரவேற்பைப் பெறவில்லை.

இந்த விஷயம் குறித்துப் பேசப்பட்ட வேளையில், விஜய் சேதுபதி, “என்னுடைய இயக்குநர்களின் முந்தைய படங்களை வைத்து நான் அவர்களை மதிப்பிட மாட்டேன். எனக்குக் கதை பிடித்திருந்தால், அதில் நடித்துவிடுவேன்.

அப்படி, பூரி ஜெகன்நாத் சொன்ன கதை எனக்கு மிகவும் பிடித்திருந்தது” எனக் கூறி, பூரி ஜெகன்நாத்தின் முந்தைய படைப்புகள் குறித்த பேச்சுகளுக்கு முற்றுப்புள்ளி வைத்தார்.