பிரதமர் மோடியால் கடந்த 2019 ஜனவரியில் எய்ம்ஸ் மருத்துவமனைக்கான கட்டுமானப் பணிகளுக்கு அடிக்கல் நாட்டப்பட்டது. அதன்பிறகு, இரண்டு மக்களவைத் தேர்தல் முடிந்து, 6 ஆண்டுகள் கடந்துவிட்டது.
ஆனாலும், மதுரையில் இன்னும் எய்ம்ஸ் மருத்துவமனை கட்டி முடிக்கப்படவில்லை. இதனாலேயே, தேர்தல் சமயங்களிலும், பிரதமர் மோடி மற்றும் மத்திய அமைச்சர்கள் தமிழகம் வரும்போதெல்லாம் மதுரை எய்ம்ஸ் குறித்த கேள்வி திமுக அரசு எழுப்பும்.
(1/2) We are proud to present sneak peek into the future of healthcare — the projected design of AIIMS Madurai Hospital.
This video offers a glimpse of state-of-the-art medical campus that will serve millions, blending advanced infrastructure with commitment to compassionate care pic.twitter.com/1H9i3fclGv— AIIMS,MADURAI (@madurai_aiims) June 17, 2025
ஒரு வாரத்துக்கு முன்பு மத்திய உள்துறை அமைச்சர் அமித் ஷா மதுரைக்கு வந்து சென்றபோது கூட, ’10 ஆண்டுகளாகக் கட்ட எய்ம்ஸ் மருத்துவமனை என்ன விண்வெளி ஆராய்ச்சி மையமா?” என முதல்வர் ஸ்டாலின் விமர்சித்திருந்தார்.
இவ்வாறிருக்க, தமிழகத்தில் சட்டமன்றத் தேர்தலுக்கு இன்னும் 10 மாதங்களே உள்ள சூழலில், மதுரை எய்ம்ஸ் மருத்துவமனை எப்படி இருக்கும் என்பது பற்றிய வீடியோ ஒன்றை மத்திய அரசு இன்று வெளியிட்டது.
மேலும், 2026 ஜனவரியில் மருத்துவமனையின் முதற்கட்டப் பணிகள் முடிவடையும் என்றும், விரிவாக்கப்பட்ட உள்கட்டமைப்பு, மேம்பட்ட கல்வி, மருத்துவ சேவைகள் ஆகியவை உள்ளடக்கிய இரண்டாம் கட்டப் பணிகள் 2027-ல் முடிவடையும் என்றும் மத்திய அரசு தெரிவித்திருக்கிறது.
இந்த நிலையில், முதல்வர் ஸ்டாலின் மத்திய அரசு விமர்சித்து தனது எக்ஸ் தளப் பக்கத்தில், “மதுரைக்கு வந்த ஒன்றிய உள்துறை அமைச்சர் AIIMS என்ன ஆனது எனச் சென்று பார்த்தாரா? எனக் கேட்டிருந்தேன்.
அதற்குப் பதிலாக, இந்தக் கற்பனைக் காட்சிகளை உருவாக்கி அளித்துள்ளார்கள்.
2026 தேர்தலுக்கு இந்த ஒரு வீடியோ போதும் என நினைத்துவிட்டார்களா? இதற்கே 10 ஆண்டுகள் ஆகியிருக்கின்றன!” எனப் பதிவிட்டிருக்கிறார்.
