திருப்பூர்: திருப்பூர் தெற்கு தொகுதியின் முன்னாள் அதிமுக எம்எல்ஏ சு. குணசேகரன் உடல்நலக் குறைவால் மருத்துவமனையில் சிகிச்சை பெற்று வந்த நிலையில், இன்று (ஜுன் 9) காலை உயிரிழந்தார்.
திருப்பூர் தெற்கு தொகுதியில் அதிமுக முன்னாள் எம்எல்ஏவாக பதவி வகித்தவர் குணசேகரன்(58). இவர் அதிமுகவின் மாநில அம்மா பேரவை இணைச் செயலாளராகவும் பொறுப்பு வகித்தார். இந்த நிலையில் கடந்த சில நாட்களாக உடல்நிலை சரியில்லாமல் கோவை தனியார் மருத்துவமனையில் குணசேகரன் சிகிச்சை பெற்று வந்தார்.
