கடலூர்: கடலூர் மாவட்டம் வடலூரில் குடிநீர் கேட்டு காலி குடங்களுடன் பொதுமக்கள் சாலை மறியல் போராட்டத்தில் ஈடுபட்டனர்.
வடலூர் நகராட்சியில் உள்ள 20, 26, 27 ஆகிய வார்டுகளில் கடந்த ஒரு வார காலமாக குடிநீர் விநியோகம் செய்யப்படவில்லை. இதனால் அப்பகுதியில் கடும் குடிநீர் பற்றாக்குறை ஏற்பட்டது. அந்த வார்டு பகுதி மக்கள் குடிநீர் கிடைக்காமல் அவதி அடைந்து வந்தனர். இது குறித்து கடந்த மூன்று நாட்களுக்கு முன்பு நகரமன்ற தலைவர் சிவக்குமார் மற்றும் அதிகாரிகளிடம் அப்பகுதி மக்கள் இதுகுறித்து முறையிட்டனர். ஆனால், நடவடிக்கை எடுக்கப்படவில்லை.
