2025 மே -16ம் தேதி சென்னை புது பெருங்களத்தூர் ஸ்ரீகாமாட்சி அம்மன் கோயிலில் மாலை 6 மணி அளவில் சக்தி விகடன் வழங்கும் திருவிளக்கு பூஜை நடைபெற இருக்கிறது. இதில் நீங்களும் கலந்து கொள்ளலாம். அதுகுறித்த விவரங்கள் உங்களுக்காக…
முன்பதிவுக்கு: 044-66802980/07
முன்பதிவு செய்ய இங்கே க்ளிக் செய்யவும்!
பெருங்களத்தூர் பகுதி சென்னையின் நுழைவு வாயில் என்றே அறியப்படுகிறது. வயல் வெளிகள் சூழ்ந்த காரணத்தால் இப்பகுதி பெரும் களத்தூர் எனப்பட்டது. அங்கே மிகப் பழைமையான காலம்தொட்டே அமர்ந்து ஆட்சி செய்து வருகிறாள் ஸ்ரீகாமாட்சி அம்மன். இப்பகுதியின் எல்லை தெய்வமாக இருந்து காவல் புரிந்தவள் இந்த அன்னை. இன்றும் தன்னை நாடி வரும் பக்தர்களின் குறைகள் தீர்க்கும் அற்புத ஆலயமாக இது விளங்கி வருகிறது.
தவக்கோலத்தில் பாசாங்குசமும் கரும்பு வில்லும் ஏந்தி பத்மாசனத்தில் வீற்றிருக்கும் இந்த அன்னையைக் கண்டாலே கவலைகள் பறக்கும்; காரியங்கள் நிறைவேறும் என்கிறார்கள் பக்தர்கள். இங்கு வந்து காமாட்சியை தரிசித்து வேண்டிக்கொண்டால் படிப்புக்கேற்ற வேலை, பதவி உயர்வு, சம்பள உயர்வு அனைத்தும் கிடைக்கும் என்கிறார்கள். மேலும் தொழில்-வியாபார விருத்தி அளிக்கும் ஆலயமும் இது. திருமணம் வரம் அருளும் தேவியும் இவள் என்கிறார்கள். மாங்கல்ய பலமும் நோய் தீர்க்கும் மருத்துவமும் அளிப்பவள் காமாட்சி என்று பெண்கள் இவளைப் போற்றுகிறார்கள்.
வேண்டியதை வேண்டியவாறே அருளும் இந்த அன்னையை திருவிளக்கேற்றி வழிபாடு செய்கிறபோது சகல நன்மைகளும் உண்டாகும். ‘கவலைகள் தீரும்’ ‘திருமண வேண்டுதல்கள் பலிக்கும்; காமாட்சியின் அருள் பரிபூரணமாகக் கிடைக்கும்’ என்கிறார்கள் பக்தர்கள்.
முன்பதிவுக்கு: 044-66802980/07
முன்பதிவு செய்ய இங்கே க்ளிக் செய்யவும்!
உலக நன்மைக்காகவும் தனிப்பட்ட துயர் நீங்கவும் பிரார்த்தனை செய்ய உகந்த வழிபாடு திருவிளக்கு வழிபாடு. அந்த அற்புதமான வழிபாட்டில் கலந்துகொள்ள வாசகிகளான உங்களையும் அழைக்கிறோம்.
கலந்துகொள்ளும் வாசகியர் கவனத்துக்கு:
விளக்குப் பூஜையில் கலந்துகொள்ளும் வாசகியர், விளக்கு, விளக்கை வைப்பதற்கான தட்டு, மணி, பஞ்சபாத்திரம், உத்தரணி, கற்பூர ஆரத்தித் தட்டு ஆகியவற்றை எடுத்து வந்தால் போதுமானது. மற்றபடி பூஜைக்குத் தேவையான திரி, எண்ணெய், தாம்பூலப் பொருள்கள், நைவேத்தியம் முதலானவற்றை நாங்களே வழங்குகிறோம்.
அற்புதமான இந்த விளக்குப் பூஜையில் கலந்துகொள்ள விரும்பும் வாசகியர் இங்கு தரப்பட்டுள்ள link-ஐ பயன்படுத்தி உரிய விவரங்களைப் பூர்த்தி செய்து முன்பதிவு செய்யலாம் அல்லது கீழ்க்காணும் எண்ணில் தொடர்பு கொண்டு, உங்கள் பெயர், முகவரி, தொலைபேசி எண் விவரங்களுடன் முன்பதிவு செய்து கொள்ளலாம்.
இந்த விளக்குப் பூஜையில் கலந்துகொள்ள எவ்வித கட்டணமும் கிடையாது.
முன்பதிவுக்கு: 044-66802980/07
