புதுடெல்லி: பாகிஸ்தான் நாட்டை சேர்ந்த பெண்ணை திருமணம் செய்ததை மறைத்தது மற்றும் அவரது விசா காலாவதியான நிலையில், அது தெரிந்தே அவரை இந்தியாவில் தங்கவைத்தது போன்ற செயலால் மத்திய ரிசர்வ் காவல் படை (சிஆர்பிஎஃப்) வீரர் முனீர் அகமது பணிநீக்கம் செய்யப்பட்டார்.
பணியில் நடத்தை மீறல் மற்றும் தேசிய பாதுகாப்பு உள்ளிட்டவை முனீர் அகமதுவின் பணிநீக்கத்துக்கு காரணம் என துறை சார்ந்த அதிகாரிகள் கூறியுள்ளனர். ஜம்மு காஷ்மீரில் அவர் பணியில் இருந்துள்ளார். அப்போது ஆன்லைன் மூலம் பாகிஸ்தானை சேர்ந்த மினல் கான் என்ற பெண் அவருக்கு அறிமுகமாகி உள்ளார்.
