பாட்னா: பிஹார் சட்டப்பேரவை தேர்தலில் முதல் முறையாக களம் இறங்கியுள்ள ஜன் சுராஜ் கட்சி, 51 வேட்பாளர்கள் அடங்கிய முதல் பட்டியலை நேற்று வெளியிட்டது. இந்த பட்டியலை கட்சித் தலைவர் பிரசாந்த் கிஷோர் வெளியிட்டார்.
இவர்களில் மருத்துவர்கள், கல்வியாளர்கள், ஓய்வு பெற்ற உயர் அதிகாரிகள், வழக்கறிஞர்கள், நடிகர்கள் இடம்பெற்றுள்ளனர். நாளந்தா திறந்தவெளி பல்லைக்கழக முன்னாள் துணைவேந்தர் கேசி சின்ஹா, ஓய்வு பெற்ற ஐபிஎஸ் அதிகாரி ஆர்கே மிஸ்ரா, மூத்த வழக்கறிஞர் ஒய்வி கிரி, போஜ்புரி நடிகர் ரிதேஷ் பாண்டே உட்பட பலர் இப்பட்டியலில் இடம் பெற்றுள்ளனர்.
