நீலகிரி மாவட்ட அதிமுக செயலாளராக கப்பச்சி டி.வினோத் இருக்கிறார். ஒரு காலத்தில், முன்னாள் அமைச்சர் புத்திசந்திரனின் சிஷ்யகோடியாக இருந்தவர். அப்படிப்பட்ட தனது சிஷ்யரை குருவே வீழ்த்த வியூகம் வகுத்து வருவது தான் நீலகிரி மாவட்ட அதிமுக-வில் இப்போது ஹாட் நியூஸ்.
நீலகிரி மாவட்டத்தில் உள்ள 3 தொகுதிகளில் 2 தொகுதிகளை தற்போது திமுக கூட்டணி தான் கைக்குள் வைத்திருக்கிறது. ஆனாலும் இந்த மாவட்டத்தை இன்னமும் அம்மாவின் கோட்டை என்று சொல்லிக் கொண்டிருக்கிறார்கள் அதிமுக-காரர்கள். இந்தச் சூழலில், இந்தத் தேர்தலில் நீலகிரி மாவட்டத்தில் சீட் போட்டு இடம்பிடிக்க அதிமுக தலைகள் இப்போதே வடம்பிடிக்க ஆரம்பித்துவிட்டார்கள். அதில் முக்கியமானவர் முன்னாள் அமைச்சர் புத்திசந்திரன்.
