தமிழ் சினிமாவின் ‘லெஜண்ட்’களாக வலம் வந்த மூத்த இயக்குநர்கள் கடுமையாக ட்ரோல் செய்யப்பட்ட ஓர் ஆண்டு என்றால், அது இந்த 2025 தான். பயங்கர எதிர்பார்ப்புகளோடு வெளியான மூத்த இயக்குநர்களின் படங்கள் எல்லாம் சமூக வலைதளங்களில் மீம் மெட்டிரீயலாக மாறிப் போன சோகம் அரங்கேறியது. குறிப்பாக, தமிழ் சினிமாவின் மாஸ்டர்கள் என்று ரசிகர்களால் அழைக்கப்படும் மணிரத்னம், கமல்ஹாசன் கூட இந்த ட்ரோல்களுக்கு தப்பவில்லை.
2024-ம் ஆண்டு ‘இந்தியன் 2’ படம் இணையத்தில் வறுத்தெடுக்கப்பட்ட பிறகு நிச்சயம் ராம்சரணை வைத்து தான் இயக்கிய ‘கேம்சேஞ்சர்’ மூலம் ஷங்கர் ஒரு அட்டகாச கம்பேக் தருவார் என்று பலரும் எதிர்பார்த்திருக்க, அப்படமும் கூட அவரை கைவிட்டுவிட்டது.
