நடிகர் கவுதம் ராம் கார்த்திக் ஹீரோவாக நடிக்கும் படத்துக்கு பிரம்மாண்ட கோயில் செட் அமைக்கப்பட்டுள்ளது.
மணிரத்னம் இயக்கிய ‘கடல்’ படம் மூலம் நடிகராக அறிமுகமான கவுதம் கார்த்திக், தொடர்ந்து ‘என்னமோ ஏதோ’, ‘ரங்கூன்’, ‘இவன் தந்திரன்’ என பல படங்களில் நடித்தார். இப்போது தனது பெயரை கவுதம் ராம் கார்த்திக் என மாற்றியுள்ள அவர் நடிக்கும் படத்தை, கே.ஆர்.ஜி.கண்ணன் ரவி தயாரிக்கிறார். தீபக் ரவி இணை தயாரிப்பு செய்கிறார். இன்னும் பெயரிடப்படாத இத்திரைப்படத்தை அறிமுக இயக்குநர் சின்னசாமி பொன்னையா இயக்குகிறார். யுவன் சங்கர் ராஜா இசையமைக்கிறார்.
