நாமக்கல் மாவட்டத்திலுள்ள சேந்தமங்கலம் சட்டப்பேரவை தொகுதியானது பழங்குடியினருக்கானதாகும். இந்தத் தொகுதியை கடந்த 30 ஆண்டுகளாக திமுக-வும் அதிமுக-வுமே மாறி மாறி கைப்பற்றி வருகின்றன. ஆனால் என்னவொரு விநோதம் என்றால், கட்சிகள் தான் மாறுகின்றனவே போட்டியிட்டு ஜெயிக்கும் வேட்பாளர்கள் மாறவே இல்லை.
திமுக-வில் ஒன்றியச் செயலாளர், மாவட்டத் துணைச் செயலாளர் உள்ளிட்ட பொறுப்புகளை வகித்த சி.சந்திரசேகரன் 1996-ல் திமுக சார்பில் சேந்தமங்கலத்தில் போட்டியிட்டு வெற்றிபெற்றார். அதனால் அடுத்த தேர்தலிலும் இவருக்கே வாய்ப்பளித்தது திமுக. ஆனால், இரண்டாவது முறையாக அவரால் கரைசேரமுடியவில்லை.
