கட்சிரோலி: மகாராஷ்டிராவின் கட்சிரோலி மாவட்டத்தில் இன்று காலை பாதுகாப்புப் படையினருடன் நடந்த மோதலில் இரண்டு பெண் நக்சலைட்டுகள் சுட்டுக் கொல்லப்பட்டனர்.
எட்டப்பள்ளி தாலுகாவில் உள்ள கட்டா ஜம்பியா காவல் நிலைய எல்லைக்குட்பட்ட மொடஸ்கே கிராமத்திற்கு அருகிலுள்ள காட்டில் கட்டா தலம் நக்சலைட் உறுப்பினர்கள் முகாமிட்டுள்ளதாக கட்சிரோலி காவல் துறைக்கு தகவல் கிடைத்தது. இதனையடுத்து, அஹேரி கூடுதல் காவல் கண்காணிப்பாளர் சத்ய சாய் கார்த்திக் தலைமையில், அஹேரியைச் சேர்ந்த ஐந்து சி-60 கமாண்டோ பிரிவுகளுடன், கட்டா ஜம்பியா காவல் நிலைய போலீசார் மற்றும் 191 பட்டாலியனின் சிஆர்பிஎஃப்-இ கம்பெனியைச் சேர்ந்த வீரர்கள் இணைந்து தேடுதல் நடவடிக்கையை தொடங்கினர்.
