புதுடெல்லி: தமிழ் உட்பட 21 மொழிகளில் பிரதமர் மோடிக்கு பிறந்த நாள் வாழ்த்து கூறும் வீடியோவை டெல்லி முதல்வர் ரேகா குப்தா நேற்று வெளியிட்டார். பிரதமர் நரேந்திர மோடி இன்று தனது 75-வது பிறந்த நாளை கொண்டாடுகிறார்.
இதையொட்டி டெல்லி பள்ளி மாணவ, மாணவியர் தமிழ் உட்பட 21 மொழிகளில் பிரதமர் மோடிக்கு பிறந்த நாள் வாழ்த்துகளை கூறும் ஆடல், பாடல் வீடியோவை டெல்லி முதல்வர் ரேகா குப்தா நேற்று வெளியிட்டார். அந்த வீடியோவில் டெல்லி தமிழ் கல்வி கழக பள்ளியின் மாணவியர் உட்பட பல்வேறு மொழி, கலாச்சார பின்னணி கொண்ட மாணவ, மாணவியர் ஆடி, பாடி பிரதமருக்கு பிறந்த நாள் வாழ்த்துகளை கூறியுள்ளனர்.
