Ind Vs Pak: எதிர்ப்புகளைத் தாண்டி மோதும் இந்தியா-பாகிஸ்தான் அணிகள்! வெற்றி யார் பக்கம்?

September 14, 2025
NewsEditor
General
0

இன்று துபாயில் நடக்கும் ஆசிய கோப்பை 6-வது லீக் ஆட்டத்தில் இந்தியா, பாகிஸ்தான் அணிகள் மோதிக்கொள்கின்றன.

இந்தியா – பாகிஸ்தான் அணிகளின் கிரிக்கெட் போட்டி என்றாலே ஆர்வத்திற்கும், விறுவிறுப்பிற்கும் பஞ்சமிருக்காது. இன்று நடக்கும் இந்தப் போட்டியானது இன்னும் ஸ்பெஷலானது.

எதிர்ப்புகள்

காரணம், கடந்த ஏப்ரல் மாதம் ஜம்மு & காஷ்மீரில் நடந்த பஹல்காம் தாக்குதல், அதற்கு இந்தியா கொடுத்த பதிலடி ‘ஆபரேஷன் சிந்தூர்’. இதன் பின், இந்தியா – பாகிஸ்தான் இடையே நடக்கும் முதல் போட்டி இது.

Operation Sindoor – ஆபரேஷன் சிந்தூர்

இந்தப் போட்டியில் இந்தியா கலந்துகொள்ளக்கூடாது என்று பல எதிர்ப்புகள் எழுந்தன. இந்தப் போட்டியை ரத்து செய்ய வேண்டும் என்று உச்ச நீதிமன்றத்தில் வழக்கு கூட தாக்கல் செய்யப்பட்டது. ஆனால், அந்த வழக்கு தள்ளுபடி ஆகிவிட்டது.

இருந்தும், இந்தப் போட்டிக்கு எதிரான எதிர்ப்புகள் சமூக வலைத்தளங்களில் தொடர்ந்து வருகின்றன.

‘இது தேசிய உணர்வுகளுக்கு இழைக்கப்படும் அவமானம்’ என்று உத்தவ் சிவ சேனாவின் தலைவர் உத்தவ் தாக்கரே நேற்று கடுமையான எதிர்ப்புகளைப் பதிவு செய்திருந்தார்.