சென்னை: சட்டப்பேரவைத் தேர்தலில் போட்டியிடுவது தொடர்பாக கமல்ஹாசன் தலைமையில் மநீம கட்சியினர் செப்.18-ம் தேதி முதல் ஆலோசனை நடத்துகின்றனர்.
கடந்த 2024 மக்களவை தேர்தலில் இண்டியா கூட்டணியில் மநீம இடம்பெற்றது. அப்போது, அக்கட்சிக்கு மாநிலங்களவை எம்.பி. பதவி வழங்குவதாக திமுக தெரிவித்தது. அந்தத் தேர்தலில், திமுக உள்ளிட்ட கூட்டணி கட்சி வேட்பாளர்களுக்கு ஆதரவாக தமிழகம் முழுவதும் கமல்ஹாசன் சூறாவளி பிரச்சாரம் செய்தார். இது வேட்பாளர்களின் வெற்றிக்கு மேலும் பலம் கூட்டியது.
