டிஜிட்டல் விருதுகள் 2025
டிஜிட்டல் தளத்தில் தொடர்ந்து தூள் கிளப்பிக் கொண்டிருக்கும் கலைஞர்களைக் கொண்டாட திட்டமிட்டிருக்கிறது விகடன். அதற்கெனப் பிரத்யேகமாக `விகடன் டிஜிட்டல் விருதுகள்’ விழாவையும் முதல் முறையாக நடத்தவிருக்கிறது விகடன்!
`Best Solo Creator – Male’, `Best Solo Creator – Female’, `Best Couple Creator’ என மொத்தமாக 27 பிரிவுகளில் விருதுகள் வழங்கப்படவுள்ளன. விருதுகளின் ஒவ்வொரு பிரிவின் நாமினேஷனுக்காகத் தேர்வு செய்யப்பட்டவர்களின் பட்டியல் கடந்த சில தினங்களுக்கு முன்பு வெளிவந்திருந்தது.
யூட்யூப், இன்ஸ்டாகிராம் என டிஜிட்டல் தளத்தில் அதகளப்படுத்திக் கொண்டிருக்கும் பலரும் அந்த நாமினேஷன் பட்டியலில் இடம்பெற்றிருந்தார்கள். கோலாகலத்திற்குப் பஞ்சமின்றி பிரமாண்டமாக இந்த விருது விழா வருகிற செப்டம்பர் 13-ம் தேதி சென்னை கலைவாணர் அரங்கத்தில் நடக்கவிருக்கிறது. நம் ஃபேவரைட் சோசியல் மீடியா பிரபலங்கள் பலரும் இந்த விழாவில் கலந்துக் கொண்டு விருது பெறவிருக்கிறார்கள்.
இப்போது, விருதுகளை வெல்லப் போகும் வெற்றியாளரையும் அவர்களைப் பற்றிய விவரங்களையும் நம் விகடன் இணையதளத்தில் ஒவ்வொன்றாகத் தொடர்ந்துப் பார்க்கலாம்.
Best Performer Male
இப்பிரிவில் அனிருத், கலாட்டா குரு, அருண் கார்த்திக், சாம் ஜான், ராஜேஷ் பாண்டியன், நந்தா, மைக்செட் ஶ்ரீராம், விக்னேஷ் தேவா, வினோத் குமார், விஜய் டியூக் ஆகியோர் நாமினேஷன் பட்டியலில் இடம்பெற்றிருந்தனர். ஜூரிகளின் தேர்வுபடி இந்தப் பிரிவின் வெற்றியாளராகத் தேர்ந்தெடுக்கப்பட்டிருக்கிறார் மைக்செட் ஶ்ரீராம்.
Best Performer Male – Sriram
யூ-டியூப் திருவிழாவில் தன் `மைக்செட்டால்’ எல்லோரையும் ஈர்த்து, தனக்கெனப் பெரும் ரசிகர் பட்டாளத்தைச் சேர்த்து வைத்திருக்கிறார் ஶ்ரீராம். இன்றைய டிஜிட்டல் உலகின் நவீன முகமான இவர் தொட்டிருக்கும் உயரம் மேஜிக் அல்ல… 8 வருட உழைப்புக்கான வெகுமதி. லவ், ப்ரெண்ட்ஷிப், ட்ரெண்டிங் என எல்லாவற்றையும் பகடி செய்வதுடன், இணையத் தொடர்களில் சீரியஸ் நாயகனாகவும் பரிணமிக்கிறார். கன்டென்ட்டில் இவர் தொட்டதெல்லாம் மிடாஸ் டச்… விளாசியதெல்லாம் சிக்ஸர்… பதிவேற்றியதெல்லாம் ப்ளாக்பஸ்டர்…
அல்டிமேட் திறமையாளர் ஶ்ரீராமுக்கு Best Performer Male விருதளிப்பதை ‘மைக்செட்’ கட்டி சொல்லி பேரானந்தம் கொள்கிறது விகடன்.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…
