சென்னை: பாமகவில் இருந்து அன்புமணியை நீக்க ராமதாஸுக்கு அதிகாரம் இல்லை என்றும், பாமக விதிகளுக்கு எதிரான ராமதாஸின் அறிவிப்பு என்பது கட்சியை கட்டுப்படுத்தாது என்றும் பாமக செய்தித் தொடர்பாளர் வழக்கறிஞர் கே.பாலு தெரிவித்தார்.
இது தொடர்பாக இன்று சென்னையில் செய்தியாளர்களிடம் அவர் கூறியது: “பாமக விதிகளின்படியும், கட்சி சட்டத்தின்படியும் கட்சி நிர்வாக பணிகள், கட்சி பணிகளை மேற்கொள்ளக் கூடிய அதிகாரங்கள், பொதுக் குழுவால் தேர்ந்தெடுக்கப்பட்ட தலைவர், செயலாளர், பொருளாளருக்கு மட்டுமே வழங்கப்பட்டுள்ளது. அதன்படி, நிறுவனருக்கு நிர்வாக பணிகளை மேற்கொள்ள அதிகாரம் வழங்கவில்லை.
