டிஜிட்டல் விருதுகள் 2025
டிஜிட்டல் தளத்தில் தொடர்ந்து தூள் கிளப்பிக் கொண்டிருக்கும் கலைஞர்களைக் கொண்டாட திட்டமிட்டிருக்கிறது விகடன். அதற்கெனப் பிரத்யேகமாக `விகடன் டிஜிட்டல் விருதுகள்’ விழாவையும் முதல் முறையாக நடத்தவிருக்கிறது விகடன்!
`Best Solo Creator – Male’, `Best Solo Creator – Female’, `Best Couple Creator’ என மொத்தமாக 25 பிரிவுகளில் விருதுகள் வழங்கப்படவுள்ளன. விருதுகளின் ஒவ்வொரு பிரிவின் நாமினேஷனுக்காக தேர்வு செய்யப்பட்டவர்களின் பட்டியல் கடந்த சில தினங்களுக்கு முன்பு வெளிவந்திருந்தது.
யூட்யூப், இன்ஸ்டாகிராம் என டிஜிட்டல் தளத்தில் அதகளப்படுத்திக் கொண்டிருக்கும் பலரும் அந்த நாமினேஷன் பட்டியலில் இடம்பெற்றிருந்தார்கள். கோலாகலத்திற்குப் பஞ்சமின்றி பிரமாண்டமாக இந்த விருது விழா வருகிற செப்டம்பர் 13-ம் தேதி சென்னை கலைவாணர் அரங்கத்தில் நடக்கவிருக்கிறது. நம் ஃபேவரைட் சோசியல் மீடியா பிரபலங்கள் பலரும் இந்த விழாவில் கலந்துக் கொண்டு விருது பெறவிருக்கிறார்கள்.
இப்போது, விருதுகளை வெல்லப் போகும் வெற்றியாளரையும் அவர்களைப் பற்றிய விவரங்களையும் நம் விகடன் இணையதளத்தில் ஒவ்வொன்றாக தொடர்ந்துப் பார்க்கலாம்.
Best Couple Creator
இப்பிரிவில் சதீஷ்- தீபா, சத்யா – சபரிஷ், சாரா – நரீன், கிரிஷ் – ஐஸ், போலி கப்புல், அம்ருதா – அபிஷேக், ட்ரீம் கப்புல்ஸ், வினோத் – சீதா, வினோத் – சீதா, ராஜா – ரூபி, நாகராஜ் – சங்கீதா ஆகியோர் நாமினேஷன் பட்டியலில் இடம்பெற்றிருந்தார்கள். ஜூரிகளின் தேர்வுபடி இந்தப் பிரிவின் வெற்றியாளராகத் தேர்ந்தெடுக்கப்பட்டிருக்கிறார்கள் சதீஷ் & தீபா.
Best Couple Creator – Sathish Deepa:
சதீஷ் – தீபா தம்பதியின் ரீல்ஸ் பார்த்து கண்களில் நீர்வர சிரிக்காத ரசிகர்களே இல்லை. அன்றாட சிக்கல்களை அவல நகைச்சுவை ஆக்குவதும், விழிபிதுங்கும் தருணங்களைக் காட்சிப்படுத்துவதும், அப்படியே நம் எல்லோர் வீட்டையும் ஞாபகப்படுத்தும் அட்ராசிட்டி.
கணவரின் மைண்டு வாய்ஸைச் சத்தமாகப் பேசி, ஒரு நிமிட ரீல்ஸில் ஓராயிரம் அர்த்தங்களைச் சொல்லும் இந்தக் கில்லாடிகளுக்கு Best Couple Creator விருது வழங்கி மகுடம் சூட்டுகிறது விகடன்!
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…
