சென்னை: தவெக தலைவர் விஜய் வரும் 13 ஆம் தேதி தனது அரசியல் சுற்றுப்பயணத்தை தொடங்க உள்ளார். இந்நிலையில், மாவட்டம் வாரியாக சுற்றுப்பயணம் மேற்கொள்ள உள்ள இடங்களின் பட்டியல் வெளியாகியுள்ளது.
தவெக தலைவர் விஜய் செப்டம்பர் 13 ஆம் தேதி முதல் டிசம்பர் 20 ஆம் தேதி வரை வார இறுதி நாட்களில் தமிழகம் முழுவதும் சுற்றுப்பயணம் செய்யவிருக்கிறார். விஜய்யின் தமிழகம் தழுவிய சுற்றுப்பயணத்துக்கு அனுமதி கேட்டு டிஜிபி அலுவலகத்தில் புஸ்ஸி ஆனந்த் மனு அளித்துள்ளார். அந்த மனுவில் விஜய்யின் சுற்றுப்பயண விவரம் வெளியாகியுள்ளது. விஜய் வார இறுதிகளில் (குறிப்பாக சனிக்கிழமைகளில்) மக்களைச் சந்தித்து பரப்புரை செய்யத் திட்டமிட்டுள்ளார்.
