சென்னை / திண்டுக்கல்: அதிமுகவில் இருந்து பிரிந்து சென்றவர்களை ஒருங்கிணைக்க 10 நாட்களில் முயற்சி எடுக்க வேண்டும் என்று கட்சித் தலைமைக்கு 10 நாள் கெடு விதித்த முன்னாள் அமைச்சர் செங்கோட்டையனை கட்சிப் பதவிகளில் இருந்து நீக்கி பொதுச் செயலாளர் பழனிசாமி உத்தரவிட்டுள்ளார்.
2026 சட்டப்பேரவை தேர்தல் நெருங்கிவரும் நிலையில், அனைத்து கட்சிகளும் ஆயத்தப் பணிகளை தொடங்கிவிட்டன. அதிமுக தேர்தல் பிரச்சாரத்தை கடந்த ஜூலை மாதம் தொடங்கி,100 தொகுதிகளுக்கு மேல் பிரச்சாரத்தை முடித்துள்ளது.
