Dolce Vento: புறப்பட்ட சில நிமிடங்களில் மூழ்கிய சொகுசுக் கப்பல் – வைரலாகும் வீடியோ! – என்ன நடந்தது?

September 6, 2025
NewsEditor
General
0

சொகுசு கப்பல்:

துருக்கியில் ரூ.7 கோடி மதிப்பில் உருவாக்கப்பட்ட சொகுசு கப்பல் கடலில் இறக்கப்பட்ட சில நிமிடங்களுக்குள்ளேயே மூழ்கிய வீடியோ சமூக ஊடகங்களில் வைரலாகியிருக்கிறது.

கடந்த 2-ம் தேதி துருக்கியின் மெட் யில்மாஸ் கப்பல் கட்டும் தளத்தில் (Med Yilmaz Shipyard) உருவாக்கப்பட்ட இந்தக் கப்பல் 2024-ல் தொடங்கப்பட்டது. கட்டி முடித்த பிறகு, இஸ்தான்புல்லில் இருந்து அதன் உரிமையாளரிடம் ஒப்படைக்கப்பட்டது.

டால்ஸே வென்டோ (Dolce Vento) என பெயரிடப்பட்ட அந்தக் கப்பல் 24 மீட்டர் நீளமும், 160 GT மோட்டார் யாட் எடையும் கொண்டது.

MADE IN TURKEY

A luxury yacht sank just 15 minutes after its maiden launch.

Turkey is launching a fighter jet too, they call it KAAN, claiming it to be better than the F-35 pic.twitter.com/3nmqRDRMpb

— Harry Theocharous (@TheocharousH) September 3, 2025

மூழ்கிய கப்பல்:

கடந்த 2-ம் தேதி துருக்கியின் பிரபலமான சுற்றுலாத் தளமான சோங்குல்டாக் (Zonguldak) கடற்கரையிலிருந்து கப்பல் கடலில் இறக்கப்பட்டது. அந்தக் காட்சியை அங்கிருந்த ஒருவர் தன் செல்போனில் படம் பிடித்திருக்கிறார்.

கடலில் இறக்கப்பட்ட அந்தக் கப்பல் சில நிமிடங்களில் மூழ்கியது. கப்பலில் கப்பலின் உரிமையாளர், கேப்டன், இரண்டு பணியாளர்கள் இருந்தனர்.

கப்பல் ஒருபுறமாக சாயத் தொடங்கியதும் கப்பல் உரிமையாளர் உட்பட அனைவரும் கடலில் குதித்து உயிர்தப்பினர். கடலோரக் காவல்படை மற்றும் மருத்துவக் குழுவினர் உடனடியாக சம்பவ இடத்திற்கு அனுப்பப்பட்டனர்.

விபத்துக்கான சரியான காரணம் இன்னும் வெளியிடப்படவில்லை. எனினும், சில ஊடக அறிக்கைகள் இது நிலைப்பாடு பிரச்சினை (stabilisation issue) காரணமாக இருக்கலாம் என்று தெரிவிக்கின்றன.

தொடர்ந்து விசாரணை மற்றும் தொழில்நுட்ப ஆய்வு நடத்தப்பட்டுவருகிறது.

முதல் பயணத்திலேயே ரூ.7 கோடி மதிப்பிலான சொகுசு கப்பல் கடலில் மூழ்கியது பார்ப்போரை அதிர்ச்சிக்குள்ளாக்கியிருக்கிறது.