சென்னை: லண்டன் சென்றுள்ள முதல்வர் மு.க.ஸ்டாலின், இங்கிலாந்து அமைச்சர் கேத்தரின் வெஸ்ட்டை சந்தித்து, வர்த்தகத் துறையில் அந்நாட்டின் பங்களிப்பை அதிகரிக்க கோரிக்கை விடுத்தார்.
முதல்வர் மு.க.ஸ்டாலின் தனது ‘டிஎன் ரைசிங்’ ஐரோப்பிய பயணத்தின் 2-ம் கட்டத்தில், இங்கிலாந்தின் லண்டன் நகரில் உள்ள வெளியுறவு, காமன் வெல்த் மற்றும் மேம்பாட்டு அலுவலகத்தில், இங்கிலாந்து அமைச்சர், நாடாளுமன்ற துணை செயலாளர் (இந்தோ-பசிபிக்) கேத்தரின் வெஸ்ட்டை சந்தித்து, பல்வேறு துறைகளில் தமிழகம் -இங்கிலாந்து ஒத்துழைப்புக்கான வாய்ப்புகள் குறித்து விவாதித்தார்.
