Lokah: "இது சிறிய பட்ஜெட் திரைப்படம் என நினைக்கிறார்கள்; ஆனால்…." – துல்கர் சல்மான்

September 5, 2025
NewsEditor
General
0

கல்யாணி ப்ரியதர்ஷன், நஸ்லென் நடிப்பில் திரையரங்குகளில் அதிரடி வெற்றி பெற்றிருக்கிறது ‘லோகா’ திரைப்படம்.

இந்த மலையாள சினிமாவை இயக்குநர் டாமின் அருண் இயக்க, நடிகர் துல்கர் சல்மான் தயாரித்திருக்கிறார்.

Lokah

100 கோடி வசூலை அள்ளிய முதல் ஃபீமேல் சென்ட்ரிக் சூப்பர் ஹீரோ திரைப்படம் என்கிற பெருமையும் இந்தப் படத்திற்கு கிடைத்திருக்கிறது.

படத்தின் வெற்றியைத் தொடர்ந்து சென்னை, ஹைதராபாத் எனப் பல்வேறு பகுதிகளில் படத்திற்கு சக்ஸஸ் மீட் நடத்தி வருகிறார்கள்.

ஹைதராபாத்தில் நடைபெற்ற சக்ஸஸ் மீட்டில் துல்கர் சல்மான் பேசுகையில், “என்னுடைய தயாரிப்பு நிறுவனத்தின் மூலமாக இதுவரை 7 திரைப்படங்களைத் தயாரித்திருக்கிறேன்.

‘லோகா’ படக்குழுவைப் போல மகிழ்ச்சி நிறைந்த குழுவை நான் இதுவரைப் பார்க்கவில்லை. அனைவருக்குமே ஸ்பெஷலான விஷயத்தைச் செய்துவிட வேண்டுமென்கிற ஆசை இருக்கும்.

நான் இந்தப் படத்தின் படப்பிடிப்புத் தளத்திற்கு ஓரிரு முறைதான் சென்றிருக்கிறேன். இந்தக் குழு மீது முழு நம்பிக்கை நான் வைத்திருக்கிறேன்.

எங்களுடைய தயாரிப்பு நிறுவனத்தின் முதல் திரைப்படத்திலேயே நஸ்லென் நடித்திருக்கிறார்.