சென்னை: வரி ஏய்ப்பு புகாரை தொடர்ந்து, தனியார் ரசாயன உற்பத்தி நிறுவனத்தில் வருமான வரித் துறை அதிகாரிகள் சோதனை நடத்தினர். சென்னை மற்றும் புறநகர் பகுதிகளில் 20-க்கும் மேற்பட்ட இடங்களில் இந்த சோதனை நடந்தது. சென்னை தியாகராய நகர் வடக்கு கிரசன்ட் சாலையில் உள்ள ஆர்க்கியன் கெமிக்கல் இண்டஸ்ட் ரீஸ் லிமிடெட் என்ற நிறுவனத்தில் நேற்று காலை 10 மணி முதல் வருமான வரித் துறை அதிகாரிகள் சோதனையில் ஈடுபட்டனர்.
இதேபோல, வடபழனி, ஆழ்வார்பேட்டை, எம்ஆர்சி நகரில் உள்ள இந்த நிறுவனம் தொடர்புடைய இடங்கள் என சென்னை மற்றும் புறநகரில் 20 இடங்களில் நேற்று சுமார் 100 அதிகாரிகள் தனித்தனி குழுக்களாக பிரிந்து சோதனை நடத்தினர்.
