சென்னை: முதல்வர் ஸ்டாலினின் லண்டன் பயணத்தில், ரோல்ஸ் ராய்ஸ் நிறுவனத்தின் விரிவாக்கம் தொடர்பாக ஆலோசனை நடத்தப்பட்டதுடன், பல்வேறு நிறுவனங்களுடன் புதிய முதலீ்ட்டுக்கான ஒப்பந்தங்கள் கையெழுத்தாகின.
இதுகுறித்து தமிழக அரசு வெளியிட்ட செய்திக்குறிப்பு: முதல்வர் மு.க.ஸ்டாலினின் லண்டன் பயணத்தின் பகுதியாக, 'டிஎன் ரைசிங்' ஐரோப்பிய பயணத்தின் 2-ம் கட்டத்தில், நேற்று உயர் அலுவலர்களுடனான தொடர்ச்சியான உயர்மட்ட கூட்டங்களுக்கு தலைமை தாங்கி, பாதுகாப்பு மற்றும் விண்வெளி, கப்பல் கட்டும் நுண்ணறிவு, புதுப்பிக்கத்தக்க எரிசக்தி, ஜவுளி தொழில்நுட்பம் மற்றும் வடிவமைப்பு உள்ளிட்ட தொழில் நிறுவனங்களுடன் புரிந்துணர்வு ஒப்பந்தங்கள் மேற்கொள்ளப்பட்டன.
