சென்னை: தமிழகம் முழுவதும் விசாரணை நீதிமன்றங்களில் நீண்டகாலமாக நிலுவையில் உள்ள குற்ற வழக்குகளின் விசாரணையை துரிதப்படுத்தவும், பெண்கள் மற்றும் குழந்தைகளுக்கு எதிரான குற்ற வழக்குகளில் தனி கவனம் செலுத்தவும் நடவடிக்கை எடுக்க வேண்டும் என தமிழ்நாடு பணிவரன்முறை அரசு வழக்கறிஞர்கள் சங்க நிர்வாகிகளிடம், அமைச்சர் எஸ்.ரகுபதி வலியுறுத்தியுள்ளார்.
புதிய குற்றவியல் நடைமுறை சட்டமான பிஎன்எஸ்எஸ் 2023-ல் நடைமுறைக்கு வந்தபிறகு கடந்த 3 மாதங்களாக காலியாக இருந்த தமிழ்நாடு குற்ற வழக்கு தொடர்(வு)த் துறையின் இணை இயக்குநர் பதவிக்கு தமிழக அரசால் நியமிக்கப்பட்ட ஆர்.சேகர் துரை பொறுப்பேற்றுக் கொண்டார்.
