சென்னை: தூய்மைப் பணியாளர்களுக்கு ஆதரவாகப் போராடிய வழக்கறிஞர்கள் மீதான வழக்குகளை கைவிட முடியாது என உயர் நீதிமன்றத்தில் தமிழக அரசு தரப்பில் திட்டவட்டமாக தெரிவிக்கப்பட்டதையடுத்து, போலீஸார் மீதும் குற்றம் சாட்டப்பட்டுள்ளதால் இந்த சம்பவம் தொடர்பாக ஓய்வு பெற்ற நீதிபதி தலைமையி்ல் ஒருநபர் ஆணையம் அமைத்து விசாரிக்கலாம் என நீதிபதிகள் கருத்து தெரிவித்துள்ளனர்.
சென்னை மாநகராட்சியில் தூய்மைப் பணியாளர்கள் நடத்திய தொடர் போராட்டத்தின்போது அவர்களுக்கு ஆதரவாக போராடிய வழக்கறிஞர்கள் மற்றும் சட்டக்கல்லூரி மாணவர்கள் மீது போலீஸார் வழக்குப்பதிவு செய்திருந்தனர். அவர்களை போலீஸார் கைது செய்துள்ளதாக உயர் நீதிமன்றத்தில் ஆட்கொணர்வு மனு தாக்கல் செய்யப்பட்ட நிலையில் அவர்கள் அனைவரும் உடனடியாக விடுவிக்கப்பட்டனர்.
