சென்னை: பெசன்ட் நகரில் உள்ள அன்னை வேளாங்கண்ணி ஆலய பொன்விழா ஆண்டுப் பெருவிழா கொடி ஏற்றத்துடன் நேற்று (ஆக.29) தொடங்கியது. செப். 8-ம் தேதி வரை இத்திருவிழா நடைபெற உள்ளது. இதில், ஆயிரக்கணக்கானோர் பங்கேற்க உள்ளனர். பல்வேறு பகுதிகளில் இருந்தும் மக்கள் நடைபயணமாக வந்த வண்ணம் உள்ளனர்.
இதையடுத்து, போக்குவரத்து நெரிசலைத் தவிர்க்கும் வகையில் அடையாறு மற்றும் பெசன்ட் நகர் பகுதிகளில் போக்குவரத்தில் சில மாற்றங்களை போலீஸார் மேற்கொண்டுள்ளனர். கூட்ட நெரிசலைப் பொருத்து நாளை (ஆக.31) மற்றும் செப்.1, 7, 8 ஆகிய தேதிகளில் கீழ்க்கண்ட பகுதிகளில் போக்குவரத்தில் மாற்றம் செய்யப்பட்டுள்ளதாக போக்குவரத்து போலீஸார் அறிவித்துள்ளனர்.
